الفرق بين الكورونا والبرد
الفرق بين الكورونا والبرد والنزلة المعوية والتيفود ببساطة
أولا.. الكورونا والبرد مفيش أي فرق بينهم غير أن ان الكورونا الأنف بتبقى سالكة بس مش شامم ولا مستطعم حاجة ومقدرش تفرق بين انواع الاكل والروايح لو غمضت عينك إنما البرد لازم زكام ولو غمضت هتقدر تفرق بس بتاخد وقت شوية..
ربما يعجبك
ثانيا: الكورونا والنزلة المعوية الاتنين فيهم اسهال وترجيع وسخونية بس الكورونا بيبقى معاها اعراض برد زي الرشح والكحة او فقد الشم والتذوق إنما النزلة المعوية لا
ثالثا: الكورونا والتيفود.. الاتنين مغص عنيف في البطن وسخونية وتكسير وترجيع.. واحتمال كحة ورشح عادي في الاتنين... مع اسهال او امساك.. اللي بيزيد ان الكورونا ممكن يبقى معاها فقد شم وتذوق إنما التيفود لا.. او نادرا مايحصل واتسجل في حالات قليلة جدا...وبشكل جزئي مش كلي..
رابعا الكورونا والتيفود ممكن ييجوا مع بعض عادي كعدوي مشتركة وده موجود في كتير من الحالات.. خدوا احتياطاتكم الموجة التانية عنيفة وتنتشر بسرعة بس ان شاء الله تعدي على خير. .. دمتم بصحة دايما..
